EZITHOMBENI ||
Namuhla, 18 kuNdasa 2026, uMasipala waseMkhondo, ngokusebenzisa iHhovisi lokuQinisekisa Umthetho (Law Enforcement) kanye neHhovisi lokuThuthukiswa koMnotho (Local Economic Development) uhlele umkhankaso wokuqinisekisa ukuba abathengisi basemakethe bayahambisana nemithetho kanye nemigomo ebekiwe emayelana nokuthengisa kwabo edolobheni.
Inhloso nqangi yalolu hlelo ukuqinisekisa ukuthi bonke abathengisi babhalisiwe ngokusemthethweni kuMasipala, kanye nokuqapha inani lezindawo zokuhweba ezisetshenziswa umthengisi ngamunye.
Luthe lusaqhubeka loluhlelo kwatholakala ukuba kunezindawo zokuhweba ezingasetshenziswa, nokufanele ukuba uMasipala ezabele abathengisi abangakabi nezindawo eziqokiwe zokuhweba.
Abathengisi basemakethe bakhuthazwe ukuba babhalisele baphinde bakhokhele izimvume zokusebenza.
